Væntanlegar tafir á uppgjörum verðbréfaviðskipta

Mánudaginn 24. ágúst 2020 mun Nasdaq CSD á Íslandi taka í notkun Depend-uppgjörskerfið fyrir verðbréf. Vegna þessa hefur verið tekin ákvörðun í samráði við Fjármálaeftirlit Seðlabanka Íslands sem og aðra markaðsaðila hérlendis um að seinka uppgjörum viðskipta með fjármálagerninga sem gerðir eru upp hjá Nasdaq CSD og fara munu fram fimmtudaginn 20. ágúst og föstudaginn 21. ágúst 2020.

Nasdaq CSD hefur tilkynnt um þessar breytingar hjá sér og farið gaumgæfileg yfir málið á vef sínum. Nálgast má fréttatilkynningu þess efnis hér.

Hér fyrir neðan er farið betur yfir hvaða áhrif það hefur á uppgjör viðskipta út frá þeim dögum sem eru fram að kerfisbreytingunum. Sem dæmi þá munu verðbréfaviðskipti sem fara fram fimmtudaginn 20. ágúst koma til uppgjörs þann 25. ágúst og viðskipti sem eiga sér stað föstudaginn 21. ágúst koma til uppgjörs 26. ágúst. Engar hreyfingar á verðbréfum munu eiga sér stað eftir hádegið 26. ágúst.

Uppgjör með viðskipti á öðrum dögum í kringum þessar breytingar verða með eðlilegum hætti.