Vörumessa Ungra frumkvöðla

Arion banki er stoltur styrktaraðili Ungra frumkvöðla (Junior Achievement) en samtökin standa fyrir nýsköpunarátaki í stofnun og rekstri fyrirtækja fyrir framhaldsskólanema á Íslandi.

Dagana 9. og 10. apríl fór fram vörumessa í Smáralind þar sem framhaldsskólanemendurnir kynntu afrakstur vetrarins og seldu vörur sínar. Var þetta frábært tækifæri fyrir almenning til að skoða viðskiptahugmyndir unga fólksins og styðja við fyrstu skref þeirra í viðskiptalífinu. Ásamt frumkvöðlunum seldu 60 mismunandi fyrirtæki vörur sínar á messunni.

Yfir 300 nemendur í 8 framhaldsskólum tóku þátt í nýsköpunarátaki Ungra Frumkvöðla árið 2016. Skólarnir eru: Fjölbrautaskólinn við Ármúla, Verslunarskóli Íslands, Fjölbrautaskólinn í Garðabæ, Fjölbrautaskólinn í Breiðholti, Menntaskólinn við Sund, Menntaskólinn í Kópavogi, Framhaldsskólinn í Vestmannaeyjum og Menntaskólinn við Hamrahlíð. Fulltrúar Arion banka aðstoðuðu hópa í Fjölbrautarskólanum við Ármúla og Menntaskólanum í Kópavogi við sín verkefni.

Meðfylgjandi eru myndir frá vörumessunni.