Kynningarfundur Startup Reykjavík í Borgartúni 19

Á morgun, þriðjudaginn 22. mars kl.17:00-18:00, verður fundur í höfuðstöðvum Arion banka þar sem farið verður yfir það hvernig fyrirtæki geta hagnast af því að fara í gegnum viðskiptahraðal eins og Startup Reykjavík. Markmið fundarins er að veita fólki innblástur og sýna fram á að engar hindranir eru of stórar ef fólk veit hvað það vill og hvert það stefnir. Á fundinum munu nokkrir reyndir kvenfrumkvöðlar deila reynslu sinni af þeirri rússíbanareið sem oft getur fylgt frumkvöðlastarfinu.

Ekki er nauðsynlegt að skrá sig á þennan viðburð og eru allir hjartanlega velkomnir.

Á viðburðinum munu taka til máls:

• Einar Gunnar Guðmundsson, forsvarsmaður nýsköpunar hjá Arion Banka
• Salóme Guðmundsdóttir, framkvæmdastjóri Icelandic Startups
• Sesselja Vilhjálmsdóttir, stofnandi og framkvæmdastjóri Tagplay
• Hrönn Margrét Magnúsdóttir, framkvæmdastjóri Ankra

Nú styttist í að umsóknarfrestur fyrir þátttöku í Startup Reykavík renni út, en hægt er að sækja um til 31. mars. Óskað er eftir umsóknum frá kraftmiklum teymum sem hafa í farteskinu snjallar viðskiptahugmyndir.

Nánari upplýsingar um Startup Reykjavík er að finna hér.