Móttaka innlendra ávísana hætt þann 1. maí

Frá og með 1. maí mun Arion banki ekki lengur taka við innlendum ávísunum en bankinn hætti að selja ávísanahefti og bankaávísanir 1. nóvember sl. og var tilkynning þess efnis birt á vefsíðu bankans og haft samband við þá aðila sem keyptu reglulega tékkhefti.

Ástæða þessa er að eftirspurn er afar takmörkuð og hafa flest fjármálafyrirtæki landsins þegar hætt sölu tékkhefta og bankaávísana.

Bankinn tekur áfram við erlendum ávísunum í USD, GBP, CHF og EUR myntum.

Við bendum á að Arion appið er nú opið öllum hvort sem fólk er í reglulegum viðskiptum við Arion banka eða ekki. Allir geta sótt appið, stofnað reikninga, byrjað reglulegan sparnað og sótt um Núlán.