Arion banki hættir með auðkennislykla

Auðkennislykillinn sem hefur gagnast vel í rúm tíu ár mun nú renna sitt skeið á enda. Þann 1. mars næstkomandi verður ekki lengur hægt að skrá sig inn með auðkennislykli í netbanka Arion banka og Arion appið. Tvær leiðir til innskráningar verða í boði:

• Rafræn skilríki
• SMS innskráning

Arion banki tekur ekki gjald fyrir innskráningar.

Rafræn skilríki í farsíma eru einföld og örugg leið til auðkenningar og undirritunar á netinu en þau jafngilda undirskrift og framvísun persónuskilríkja. Ef SIM kortið þitt uppfyllir kröfur rafrænna skilríkja getur þjónusturáðgjafi í næsta útibúi Arion banka virkjað þau gegn framvísun ökuskírteinis eða vegabréfs.

Hér getur þú prófað hvort SIM-kortið þitt uppfyllir kröfurnar.

SMS auðkenning er hentug innskráningarleið. Þú getur skráð farsímanúmer í netbankanum undir Stillingar en hægt er að notast við innlend og erlend farsímanúmer.

Hér getur þú nálgast frekari upplýsingar um SMS auðkenningu.

Við hvetjum þig til að virkja hið minnsta aðra innskráningarleiðina svo þú sért viðbúin/n þessari breytingu.