Arion banki á Fjármáladeginum

Fjármáladagurinn var haldinn í gær á Hilton Reykjavik Nordica. Ráðstefnan var nú haldin í fimmta sinn en henni er ætlað að fjalla um það sem framundan er í fjármálaþjónustu og fjármálum fyrirtækja. Á dagskránni í gær voru meðal annars erindi um gervigreind og róbóta í fjármálum, aðlögun fyrirtækja að breyttri tækni og framtíðarútlit fjármálaumhverfisins auk ávarps Dr. Benedikts Jóhannessonar, fjármála- og efnahagsráðherra.

Arion banki er einn af bakhjörlum Fjármáladagsins en auk þess var Tómas Ingason, forstöðumaður stafrænnar framtíðar Arion banka, einn af ræðumönnum dagsins. Í erindi sínu fjallaði Tómas um stefnumiðaða vegferð Arion banka í átt að stafrænni framtíð en síðastliðið ár hefur bankinn sett í loftið fjölda nýrra stafrænna þjónustuleiða sem allar miða að því að auka þjónusta og þægindi fyrir viðskiptavini bankans.