Arion banki hættir notkun auðkennislykla

Eins og áður hefur verið tilkynnt rennur auðkennislykillinn nú sitt skeið á enda en frá og með 6. apríl verður ekki hægt að nota auðkennislykil við innskráningu í Netbanka Arion banka og Arion appið.

Eftir þessa breytingu verða þrjár innskráningaleiðir í boði:

Rafræn skilríki

Rafræn skilríki eru einföld og örugg leið til auðkenningar og undirritunar í rafrænum heimi. Þau eru virkjuð í útibúum Arion banka um allt land.
Nánar um rafræn skilríki

SMS auðkenning

SMS auðkenning er hentug innskráningarleið fyrir þá sem kjósa að nota ekki rafræn skilríki. SMS auðkenningu er hægt að nota á innlend og erlend farsímanúmer.
Nánar um SMS auðkenningu

App auðkenning

App auðkenningin er óháð símasambandi og hentar því m.a. þeim sem nota netbankann þar sem ekki er símasamband. App auðkenning gerir notendum kleift að auðkenna sig í netbanka og Arion appinu með auðkennisnúmeri úr auðkenningarappi snjalltækis.
Nánar um app auðkenningu

Arion banki tekur ekki gjald fyrir innskráningar í netbanka, óháð auðkenningarleið.

Sem fyrr hvetur Arion banki sérstaklega til notkunar á rafrænum skilríkjum. Þau eru þægileg í notkun og veita aðgang að fjölbreyttri rafrænni þjónustu á einfaldan og öruggan hátt hjá yfir 200 innlendum þjónustuaðilum.