Arion banki og Kaupþing meta valkosti

Í ljósi áframhaldandi jákvæðrar þróunar íslensks efnahagslífs meta nú Arion banki og Kaupþing, sem er meirihlutaeigandi Arion banka, þá möguleika sem fyrir hendi eru varðandi eignarhlut Kaupþings í bankanum.

Almennt hlutafjárútboð er meðal þeirra kosta sem verið er að skoða, en rétt er að taka fram að engin ákvörðun hefur verið tekin varðandi framkvæmdina, tiltekin viðskipti eða tímasetningu.