Arion banki fær verðlaun fyrir besta nýsköpunarhraðalinn

Við hjá Arion banka höfum einsett okkur að vera fremst í stafrænni bankaþjónustu hér á landi og aðferðafræðin sem við notum til þess að þróa stafrænar vörur og þjónustu köllum við stafræna framtíð. Arion banki hlaut nýverið fyrstu verðlaun BAI Global Innovation Awards fyrir þessa aðferðafræði þar sem keppt var um besta nýsköpunarhraðalinn.

BAI Global Innovation eru óháð samtök sem bjóða meðal annars upp á greiningar og rannsóknir í fjármálageiranum. Verðlaun á vegum samtakanna hafa verið veitt frá árinu 2011.

Bankinn var einnig tilnefndur í flokknum People's choice fyrir rafrænt íbúðalánaferli bankans en ferlið hefur tekið stakkaskiptum með stafrænum lausnum. Sem dæmi um meiri þægindi tekur aðeins um þrjár mínútur að fara í gegnum greiðslumat og er það ferli með öllu pappírslaust. Hægt er að kjósa hér. Tilkynnt verður um vinningshafa þann 10. október.

Markmið okkar með stafrænni framtíð er að auka aðgengi að stafrænum vörum og þjónustu bankans og þannig veita viðskiptavinum okkar þægilegri bankaþjónustu, hvar og hvenær sem er. Unnið er að því að sjálfvirknivæða og einfalda verklag þannig að í öllum ferlum verði sem fæst handtök, bæði fyrir viðskiptavini og starfsfólk bankans.