Nýr framkvæmdastjóri EFÍA

Snædís Ögn Flosadóttir hefur verið ráðin framkvæmdastjóri Eftirlaunasjóðs Félags íslenskra atvinnuflugmanna.

Snædís hefur starfað hjá Arion banka og forverum hans frá árinu 2006 og á Eignastýringarsviði Arion banka frá árinu 2008. Nú síðast starfaði Snædís við Eignastýringu fagfjárfesta en hún hefur einnig unnið sem sérfræðingur á Eignastýringarsviði og lengst af sem gæðastjóri og verkefnastjóri. Í störfum sínum hefur hún öðlast viðtæka reynslu af rekstri lífeyrissjóða.

Snædís er með B.Sc gráðu í iðnaðarverkfræði frá Háskóla Íslands og hefur lokið prófi í verðbréfamiðlun.

Snædís mun taka við starfi framkvæmdastjóra 1. júlí nk.