Vextir óverðtryggðra lána EFÍA lækka

Vextir óverðtryggðra lána Eftirlaunasjóðs FÍA lækka úr 6,1% í 5,9% frá og með 1.júní. Lækkunin nær aðeins til nýrra lána þar sem óverðtryggð lán sjóðsins eru með föstum vöxtum til þriggja ára í senn. Veðsetning getur að hámarki verið 65% af metnu markaðsvirði íbúðarhúsnæðis. Sjóðurinn býður upp á viðbótarlán upp að 75% veðhlutfalli sem ber vaxtaálag upp á 0,75%.

Vextir verðtryggðra lána haldast óbreyttir í 3,45% fyrir lán með breytilegum vöxtum og 3,75% fyrir lán með föstum vöxtum til 5 ára í senn. Sjóðfélagalán EFÍA eru uppgreiðanleg hvenær sem er án uppgreiðslugjalds.