Breytingar á sjóðfélagalánum EFÍA

Stjórn EFÍA hefur ákveðið að lækka vexti á óverðtryggðum lánum sjóðsins sem bera fasta vextir til 3 ára úr 6,25% í 5,75%. Lækkunin tók gildi 30. ágúst sl. og gildir um ný útlán sjóðsins. Þegar veitt lán halda sínum vaxtakjörum þar til 3 ára fastvaxtatímabili þess lýkur. Sjóðfélögum er þó frjálst að endurfjármagna án lántökukostnaðar einu sinni á almanaksári. Ef endurfjármagnað er oftar en einu sinni á almanaksári þá þarf að greiða lántökugjald að upphæð nú 65.000 kr. 

Stjórn EFÍA hefur einnig ákveðið að lækka vexti á verðtryggðum lánum með breytilegum vöxtum úr 2,5% í 2,1%. Lækkunin tekur gildi frá og með 1. október nk. og gildir bæði um ný og þegar veitt lán. 

Samhliða þessum lækkunum ákvað stjórn að hækka hámarkslánsfjárhæð sjóðfélaga úr 40 m.kr. í 45 m.kr. 

Vakin er athygli á að sjóðfélagalán EFÍA eru uppgreiðanleg hvenær sem er á lánstímanum án kostnaðar.