Breyting á vöxtum sjóðfélagalána

Stjórn EFÍA hefur ákveðið að hækka óverðtryggða vexti sjóðsins og lækka verðtryggða breytilega vexti sjóðsins.

Vextir á óverðtryggðum lánum sjóðsins sem bera fasta vexti til 3 ára hækka úr 4,5% í 5,2%. Hækkunin tekur gildi 28. febrúar nk. og gildir um ný útlán sjóðsins, þegar veitt lán halda sínum vaxtakjörum þar til þriggja ára fastvaxtatímabili lýkur.

Vextir á verðtryggðum lánum sjóðsins með breytilegum vöxtum lækka úr 1,79% í 1,50%. Lækkunin tekur gildi 1. apríl 2022 en tilkynna þarf um lækkun breytilegra vaxta með eins mánaðar fyrirvara. Lækkunin gildir um ný og þegar veitt lán með breytilegum vöxtum sem kveða á um að vextir séu endurskoðaðir ársfjórðungslega.