Hækkun lágmarksiðgjalds úr 12,2% í 12,4%

Stjórn EFÍA hefur ákveðið, í samráði við tryggingastærðfræðing sjóðsins, að hækka lágmarksiðgjald til samtryggingar úr 12,2% í 12,4%. Er þetta gert til að mæta áætlunum um framtíðar réttindaávinnslu næstu ára.

Sjóðfélögum gefst kostur á að greiða hluta af heildariðgjaldi sínu til öflunar séreignar og stendur valið því nú milli þess að greiða 4% í séreign eða 7,6%. Þeir sjóðfélagar sem hafa hingað til greitt 12,2% til EFÍA og 7,8% í séreignarsjóð að eigin vali munu frá og með áramótum geta greitt 7,6% í séreignarsjóð.

Launagreiðendur verða einnig upplýstir um þessar breytingar.