Tilraunum til netsvika hjá bæði fyrirtækjum og einstaklingum hefur fjölgað ört á síðustu misserum, sem kallar á að við séum öll á varðbergi gagnvart ólíkum svikaleiðum og þekkjum hvernig megi varast þær.
Þátttaka er ókeypis og fer leikurinn fram á íslensku.
Arion Escape er einstakt fræðsluverkefni sem miðar að því að opna augu fólks fyrir netsvikum. Í herberginu þarft þú að hugsa eins og forhertur netsvikari sem hefur einsett sér að stela 100 milljónum af fyrirtækinu Norðurslóðir.
Markmið verkefnisins er að fræða fólk um netsvik og stuðla að vitundarvakningu um þau fjölbreyttu og síbreytilegu svik sem leynast á netinu.
Leikurinn fer fram í lokuðu herbergi þar sem fjórir til fimm einstaklingar mynda teymi og vinna saman að því að leysa þrautir sem allar tengjast netsvikum.
Hópurinn hefur 40 mínútur til að leysa verkefnin og „komast út“ úr herberginu. Verkefnið byggir á samvinnu, rökfærslu, gagnrýninni hugsun og góðri samskiptahæfni – allt lykilatriði þegar kemur að því að verjast netsvikum í daglegu lífi.
Arion Escape er opið alla virka daga frá 13. júní til 30. júní, milli kl. 9:00 og 15:00.
Skráðu þig og við munum hafa samband og finna tíma sem hentar fyrir hópinn þinn.
Theodór Ragnar Gíslason - Defend Iceland:
„Virkilega áhrifarík og hugvekjandi upplifun – hlakka til næsta Escape Room! Frábært framtak hjá Arion banka til að fræða um svik og auka vitund.“
CERT-IS:
„Arion banki setti upp flóttaherbergi sem snýr á skemmtilegan hátt við hefðbundnum hlutverkum og þurfa þátttakendur að setja sig í spor svikara til að komast út. Þrautin er vel hönnuð og útfærð og var mjög skemmtilegt að vinna sig í gegnum hana. Arion á hrós skilið fyrir nýstárlega nálgun í kennslu og vitundarvakningu á öryggi og við getum ekki beðið eftir að sjá hvernig næsta þraut mun líta út.“
Við notum vafrakökur til að bæta upplifun þína á vefnum. Lestu um hvernig við notum vafrakökur og hvernig þú getur stjórnað þeim með því að smella á "Stillingar fótspora".
Hér getur þú stillt hvaða vefkökur þú vilt samþykkja á vefnum.