Breytingar á Vildarþjónustu Arion banka

Þann 1. maí næstkomandi mun samstarfi Arion banka og VÍS ljúka og mun vildarþjónusta bankans taka breytingum í kjölfarið. Breytingin felst í því að viðskipti viðskiptavina bankans við VÍS munu ekki lengur telja sem þjónustuþáttur í vildarþjónustu Arion banka en breyting þessi hefur ekki áhrif á núverandi kjör viðskiptavina við bankann og VÍS. Hér má sjá nánari upplýsingar um vildarþjónustu Arion banka. 

Viðskiptavinir eru hvattir til að hafa samband við bankann í gegnum netfangið arionbanki@arionbanki.is, hringja í Þjónustuverið í síma 444 7000 eða koma í næsta útibú bankans ef spurningar vakna vegna breytinganna. Snúi spurningarnar að VÍS er fólki bent á að hafa samband við vis@vis.is eða í síma 560 6000.