Fyrirtæki
  • Fjármögnun
  • Þjónusta
  • Ávöxtun
  • Fleira
    • Þjónusta
  • Fyrirtækjaþjónusta
  • Stofna til viðskipta
  • Arion appið
  • Netbanki
  • Lykilaðgangur netbanka
  • Kreditkort
  • Debetkort
  • Gjafakort
  • Innheimtuþjónusta
  • Húsfélög og félagasamtök
  • Rafræn skjöl og undirritanir
  • Veltureikningar
  • B2B
  • Erlend viðskipti
  • Fagfjárfestar
  • Einkabankaþjónusta
  • Fyrirtækjaráðgjöf
    • Fyrirtækjaráðgjöf
  • Fyrirtækjaráðgjöf
    • Fréttir af fyrirtækjaráðgjöf
    Áttföld eftirspurn í hlutafjárútboði Fly Play hf.
    25. júní 2021

    Áttföld eftirspurn í hlutafjárútboði Fly Play hf.

    Áttföld eftirspurn í hlutafjárútboði Fly Play hf. - mynd

    Mikil eftirspurn var í hlutafjárútboði Play sem lauk klukkan 16.00 í dag, föstudaginn 25. júní 2021.

    Í dag kl. 16 lauk hlutafjárútboði á alls 221.906.800 nýjum hlutum í Fly Play hf sem nemur um 4,3 milljörðum króna. Tveir áskriftarmöguleikar voru í boði, áskriftarleið A og áskriftarleið B, sem voru ólíkar er varðaði stærð áskrifta og úthlutun. Áskriftir bárust frá bæði almenningi og fagfjárfestum.

    • Um 4600 áskriftir bárust fyrir um 33,8 milljarða króna.
    • Í tilboðsbók A bárust áskriftir fyrir samtals 6,7 milljarða króna og var útboðsgengi 18 krónur á hlut.
    • Í tilboðsbók B bárust áskriftir fyrir samtals 27,0 milljarða króna og var endanlegt útboðsgengi 20 krónur á hlut.

    Arctica Finance hafði umsjón með hlutafjárútboðinu og Arion banki var söluaðili ásamt Arctica Finance.

    Stjórn Play mun nú yfirfara þær áskriftir sem bárust í útboðinu og taka afstöðu til þeirra. Áætlað er að niðurstaða varðandi úthlutun liggi fyrir eigi síðar en í lok dags 28. júní 2021. Upplýsingar um úthlutun verða aðgengilegar í útboðskerfinu sem hægt verður að nálgast í gegnum vefsíðu Arctica Finance, www.arctica.is/play með því að nota sömu aðgangsauðkenni og notuð voru við skráningu áskrifta í útboðinu.

    Gjalddagi og eindagi áskriftarloforða í útboðinu er áætlað að verði mánudaginn 5. júlí 2021 og er áætlað að afhenda áskrifendum hluti í Play eigi síðar en 9. júlí 2021 að undangenginni greiðslu.

    Fyrsti viðskiptadagur með hlutabréf í PLAY á Nasdaq First North Iceland er áætlaður 9. júlí

    Áætlað er að viðskipti með hlutabréf í Play á Nasdaq First North Iceland hefjist 9. júlí 2021 en tilkynnt verður um fyrsta viðskiptadag með hlutabréfin með minnst eins viðskiptadags fyrirvara.

    Birgir Jónsson, forstjóri Fly Play hf.:
    „Síðustu dagar hafa verið magnaðir þar sem starfsfólk PLAY hefur rutt hverri hindruninni úr vegi á leið okkar í loftið en þeirri vinnu til grundvallar liggur auðvitað næstum tveggja ára undirbúningur. Hápunktinum er svo náð í þessari viku með glæsilegu jómfrúarflugi PLAY, hlutafjárútboði fyrir skráningu á Nasdaq First North Iceland og gríðarlegum áhuga erlendra sem innlendra fjölmiðla á félaginu vegna þessa. Við vissum að það var spenningur fyrir útboðinu, en við áttum ekki alveg von á svona rosalega góðum móttökum. Það var mjög ánægjulegt að sjá skráningar frá almenningi og ekki síður lífeyrissjóðum í eigu almennings. Í þokkabót fáum við svo afléttingu sóttvarnartakmarkana á miðnætti. Við getum því sennilega leyft okkur smá bjartsýni á framhaldið enda held ég að sjaldan hafi flugfélag verið eins vel undirbúið, eða jafn vel fjármagnað, til að nýta þau tækifæri sem gefast. Við sjáum ekki heldur annað en að áhugi fjárfesta endurspegli þessa bjartsýni sem við finnum fyrir og það sé einhugur hjá þjóðinni gagnvart því að byggja upp ferðaþjónustuna á Íslandi á ný, en við hjá PLAY ætlum okkur að leika risastórt hlutverk þar,“ segir Birgir Jónsson, forstjóri PLAY.


    Fleiri fréttir

    10. mars 2021

    Vel heppnað hlutafjárútboð Arctic Fish

    Arctic Fish hefur lokið hlutafjárútboði að fjárhæð 600 milljónir norskra króna, eða sem samsvarar um 9,0 milljörðum íslenskra króna. Fyrirtækjaráðgjöf Arion banka ásamt DNB og Pareto voru ráðgjafar...

    LESA NÁNAR

    21. október 2020

    Eskja hf. eykur fjölbreytni í fjármögnun

    Eskja hf. hefur lokið útboði á tveimur víxlaflokkum til þriggja mánaða í erlendri mynt. Umtalsverð eftirspurn var í útboðinu og bárust tilboð að fjárhæð 4.265.000 USD í flokkinn ESKJAUSD0121 og...

    LESA NÁNAR