Fjárfestingarkeppni Arion er lokið!
Haft verður samband við sigurvegara í tölvupósti.
Ert þú í Háskóla Íslands
eða í Háskólanum í Reykjavík
og hefur áhuga á fjárfestingum?
Við kynnum til leiks fjárfestingarkeppni í samstarfi við Dyngju þar sem þú lærir að fjárfesta án þess að taka óþarfa áhættu.
Þú skráir þig til leiks í gegnum Dyngju appið og færð í kjölfarið 100 milljón sýndarveruleikakrónur til þess að fjárfesta með. Þú getur átt viðskipti með öll hlutabréf sem eru skráð á aðalmarkað Nasdaq á Íslandi og hlutabréf sem eru skráð á First North markaðinn.
Keppnin hefst 4. september og stendur til 3. nóvember en á þessu tímabili munt þú búa þér til eignasafn og stýra því með það að markmiði að ná fram sem mestri ávöxtun. Sigurvegari keppninnar er síðan sá sem hefur náð fram mestri ávöxtun á safninu sínu á þessu tímabili.
Heildarverðmæti vinninga eru 275.000 kr.
Fjárfestingarkeppni Arion er hafin
Með opnun markaða þann 4. september hófst fjárfestingarkeppni Arion fyrir háskólanemendur.
Markmiðið okkar með keppninni er að efla fræðslu um fjárfestingar og sjóðastýringu og gera nemendum kleift að kljást við raunveruleg verkefni úr atvinnulífinu. Við viljum því hvetja nemendur til að skoða fræðsluefnið sem má finna í Dyngju appinu þar sem farið er yfir helstu atriði og hugtök tengd fjárfestingum.
Leikreglur:
- Aðeins nemendur HR og HÍ geta unnið verðlaun, og verður beðið um staðfestingu á skólavist fyrir þá nemendur sem enda í efstu þremur sætunum.
- Til að eiga möguleika að vinna verðlaun þarf að skrá sig til leiks fyrir 1. október (nemendum er velkomið að taka þátt eftir 1. október en geta þá ekki unnið til verðlauna).
- Þegar keypt er eign er ekki hægt að selja hana samdægurs, halda verður í eignina í a.m.k. einn dag.
- Til að eiga möguleika á verðlaunum þarf að dreifa fjármunum, þ.e. sá sem tekur þátt skal eiga í að lágmarki fjórum fyrirtækjum yfir keppnina.
- Ef einstaklingur verður sekur um innherjasvindl eða misnotar upplýsingar um verðþróun á sá aðili hættu á að verða vikið úr keppni.
- Aðeins er hægt að kaupa og selja eignir á opnunartíma íslensku kauphallarinnar, sem er frá 9:30 til 15:30 alla virka daga.
Hver sigrar bónusvikuna?
Þann 1. október ætlum við að vera með aukakeppni í Fjárfestingarkeppni Arion sem mun standa til 7. október.
Sá sem nær fram mestri ávöxtun á þessu tímabili verður krýndur sigurvegari bónusvikunnar.
Þorir þú að taka áhættu með eignasafnið þitt?
Þarf ég að skrá mig sérstaklega til leiks?
Allir þátttakendur sem eru nú þegar skráðir í Fjárfestingarkeppni Arion eru sjálfkrafa með í bónusvikunni.
Hvernig stend ég uppi sem sigurvegari?
Sá sem nær fram mestri ávöxtun á þessu tímabili, 1. til 7. október, vinnur bónusvikuna. Það verður einn sigurvegari frá Háskóla Íslands og einn sigurvegari úr Háskólanum í Reykjavík.
Haft verður samband við sigurvegarana eftir að keppni lýkur.
Hvað er í verðlaun?
Gisting í eina nótt fyrir tvo ásamt morgunverði.
Sigurvegari getur valið um að gista á eftirfarandi stöðum: Berjaya Iceland Hotels, Hilton Reykjavík Nordica eða Alda Hotel Reykjavík.
Spurt og svarað
Hvað er Dyngja?
Dyngja er spegilmynd hins íslenska fjármálamarkaðar og er hægt að eiga viðskipti með hlutabréf skráð á aðalmarkað Nasdaq á Íslandi og hlutabréf skráð á First North markaðinn. Gögn miðast við kaup- og sölugengi á raunmarkaði.
Hvar næ ég í Dyngju appið?
Þú getur náð í Dyngju appið í App Store (iPhone) og Play Store (Android).
Hvað get ég skráð mig oft til leiks?
Þú getur aðeins skráð þig einu sinni til leiks, miðast við skráningu á skólanetfangi.
Hvenær hefst keppnin?
Keppnin hefst 4. september og klárast 3. nóvember.
Hvenær get ég átt viðskipti með hlutabréf í Dyngju appinu?
Það er eingöngu hægt er að eiga viðskipti með hlutabréf á opnunartíma íslensku kauphallarinnar.
Hvenær opnar íslenska kauphöllin?
Hún opnar 09:30 og lokar 15:30.
Hvað byrja ég með margar sýndarveruleikakrónur í keppninni?
Þú byrjar með 100 milljón sýndarveruleikakrónur.
Hvað má ég eiga mikið í einu fyrirtæki?
Engar hömlur eru á því hversu stóran hluta eignasafns þíns þú mátt nota í staka fjárfestingu, en til að eiga möguleika á verðlaunum þarf að dreifa fjármunum, þ.e. sá sem tekur þátt skal eiga í að lágmarki fjórum fyrirtækjum yfir keppnina.
Get ég keypt hlutabréf og í sjóðum Stefnis í keppninni?
Þú getur aðeins keypt hlutabréf í keppninni.
Skiptir máli hvenær ég byrja í leiknum?
Já, það skiptir máli. Þú þarft að hefja leik fyrir 1. október til að geta átt möguleika á að vinna.
Hvað er í verðlaun?
- 1. sæti fær 150.000 kr.
- 2. sæti fær 75.000 kr.
- 3. sæti fær 50.000 kr.