Tímabundnir greiðsluerfiðleikar
Við aðstoðum við að finna bestu lausn til þess að greiða úr málunum áður en vandamálið verður óyfirstíganlegt.
Þegar greiðsluerfiðleikar koma upp þá er mikilvægt að bregðast skjótt við og finna bestu lausnina til þess að greiða úr málunum.
Hér fyrir neðan eru nánari upplýsingar fyrir einstaklinga og fyrirtæki um það hvaða úrræði eru í boði, auk þess sem hægt er að óska eftir ráðgjöf.
Gott að vita
Innheimtukostnaður og tilkynningar
- Kostnaður frum- og milliinnheimtu er samkvæmt verðskrá bankans
- Þegar greitt er á eindaga bætist enginn aukakostnaður við
- Þegar greitt er eftir eindaga bætast við dráttarvextir og kostnaður
- Ef eindagi er á laugardegi eða sunnudegi eru engir dráttarvextir teknir ef greitt er á mánudegi, en ef greitt er á þriðjudegi greiðast dráttarvextir fyrir laugardag, sunnudag og mánudag
Áhrif vanskila
- Það er kostnaðarsamt að lenda í vanskilum og þurfa að greiða dráttarvexti og innheimtukostnað
- Hægt er að koma í veg fyrir óþarfa kostnað með að bregðast við í tíma
- Vanskil hafa neikvæð áhrif á lánshæfismat
- Samkvæmt lögum um neytendalán er bönkum skylt að meta lánshæfi umsækjanda vegna útlána
- Lánshæfismat getur haft áhrif á frekari fyrirgreiðslu
- Ef vanskil vara í lengri tíma fer viðskiptavinur á vanskilaskrá sem getur valdið honum óþægindum
- Lánshæfismat hefur áhrif á hversu mikla fyrirgreiðslu hægt er að fá í sjálfsafgreiðslu
- Lánshæfismat hefur áhrif á þau lánakjör sem bjóðast. Því betra lánshæfismat, því betri kjör
- Besta leiðin til að bæta lánshæfismat og koma í veg fyrir skráningu á vanskilaskrá er að greiða kröfur á gjalddaga og forðast vanskil
Tímabundnir greiðsluerfiðleikar einstaklinga
Dæmi um lausnir sem að gætu hentað:
- Greiðsludreifing kreditkorta
- Yfirdráttarheimild
- Núlán til skemmri tíma
- Endurfjármögnun láns
- Lægri greiðslubyrði í fæðingarorlofi
Aðrar mögulegar lausnir eru:
- Sameining/endurfjármögnun lána
Ef til staðar eru mörg lán hjá einum eða fleiri lánveitendum getur verið hagkvæmt að sameina þau í eitt lán á betri kjörum.
- Tímabundin lækkun á greiðslum
Tímabundin breyting á greiðslutilhögun íbúðarláns vegna tímabundins tekjumissis greiðanda. Breytingin á eingöngu við um fasteignaveðlán hjá bankanum, sem hvíla á eign í eigu umsækjanda og þar sem umsækjandi er með lögheimili.
- Frysting afborgana
Mánaðarlegar greiðslur af höfuðstól eru frystar og eingöngu eru greiddir vextir af höfuðstól yfir þann tíma sem erfiðleikar standa yfir.
Viðskiptavinir eru velkomnir til okkar í ráðgjöf. Saman förum við yfir fjármálin, metum stöðuna og ræðum leiðir til að leysa úr fjárhagsvanda hvort sem hann er til skemmri eða lengri tíma.
Greiðsluerfiðleikar fyrirtækja
Við aðstoðum fyrirtæki við að finna þau úrræði sem eru í boði.
Dæmi um lausnir sem gætu hentað fyrirtækjum eru:
- Tímabundnir greiðslufrestir/framlenging lána
- Skammtímalánveiting í formi skuldabréfs/yfirdráttar
- Úrræði samkvæmt lögum um gjaldþrotskipti nr. 21/1991:
Greiðslustöðvun
Viðskiptavinur, sem á í verulegum fjárhagserfiðleikum og vill freista þess að koma nýrri skipan á fjármál sín með aðstoð lögmanns eða löggilts endurskoðanda, sem hann hefur ráðið í því skyni, getur leitað heimildar til greiðslustöðvunar til héraðsdóms.
Nauðasamningar
Með nauðasamningi er átt við samning um greiðslu skulda eða eftirgjöf af skuldum sem kemst á milli skuldara og áskilins meirihluta lánardrottna hans og hlýtur staðfestingu fyrir dómi. Nauðasamningur bindur einnig aðra kröfuhafa en þá sem að honum standa og hefur það markmið að ráða bót á neikvæðri eiginfjárstöðu eða ógreiðslufærni skuldara. Viðskiptavinur þarf að afla heimildar dómstóla til að leita nauðasamnings og er sú heimild veitt með dómsúrskurði. Sérstakur umsjónarmaður sem skipaður er af dómstólum tekur í framhaldinu við samningsumleitunum við lánardrottna.