07. maí 2025
Konur fjárfestum í Kaupmannahöfn
Forsvarskonur átaksverkefnisins Konur fjárfestum hjá Arion banka, þær Snædís Ögn Flosadóttir, forstöðumaður á mörkuðum, og Guðrún Ólöf Hrafnsdóttir og Eva Rún Eiðsdóttir, af markaðssviði bankans, ferðuðust nýlega saman til Kaupmannahafnar og héldu þar vel sóttan viðburð fyrir íslenskar konur í dönsku atvinnulífi.
Snædís Ögn sagði frá aðdraganda Konur fjárfestum verkefnisins og þeim jákvæðu og mælanlegu áhrifum sem verkefnið hefur þegar haft, í þá átt að styrkja fjárhagslegt sjálfstæði kvenna. Þá fór Snædís yfir helstu atriði sem snúa að því að stíga sín fyrstu skref í fjárfestingum og varpaði sömuleiðis ljósi á stöðuna almennt á fjármálamörkuðum um þessar mundir.
Viðburðurinn var haldinn í samstarfi við Félag kvenna í atvinnulífinu í Danmörku og fór fram í hinu sögufræga Jónshúsi.
Viltu auka þekkinguna þína?
Fyrirvari
Upplýsingar sem birtast á þessari síðu eru markaðsefni í skilningi laga um markaði fyrir fjármálagerninga og er þeim miðlað í markaðslegum tilgangi.
Fjárfestingum í fjármálagerningum fylgir ávallt fjárhagsleg áhætta, svo sem hætta á að ekki verði um neina ávöxtun að ræða eða að höfuðstóll tapist. Árangur í fortíð gefur ekki áreiðanlega vísbendingu um árangur í framtíð. Vakin er athygli á að ávöxtun getur aukist eða minnkað vegna gengisflökts gjaldmiðla. Á umfjöllun þessa skal ekki litið sem ráðleggingu eða ráðgjöf um að ráðast í eða ráðast ekki í tiltekna fjárfestingu eða tilboð um að kaupa, selja eða skrá sig fyrir tilteknum fjármálagerningum.
Hvað varðar fjárfestingar í sjóðum er rétt að taka fram að í útboðslýsingu og lykilupplýsingum verðbréfasjóða og sérhæfðra sjóða fyrir almenna fjárfesta er að finna nánari upplýsingar um viðkomandi sjóð, m.a. um áhættu og hvort umræddur sjóður telst verðbréfasjóður eða sérhæfður sjóður fyrir almenna fjárfesta. Varðandi þá sjóði sem er að finna á vefsíðu bankans undir yfirliti sjóða þá má nálgast útboðslýsingu, lykilupplýsingar o.fl. vegna viðkomandi sjóðs með því að smella á heiti sjóðs. Jafnframt er hægt að nálgast framangreind gögn í útibúum bankans.
Arion banki er helsti söluaðili sjóða Stefnis hf. sem er með starfsleyfi frá Fjármálaeftirliti Seðlabanka Íslands sem rekstrarfélag verðbréfasjóða skv. lögum nr. 116/2021, um verðbréfasjóði og rekstraraðili sérhæfðra sjóða skv. lögum nr. 45/2020, um rekstraraðila sérhæfðra sjóða. Stefnir er dótturfélag Arion banka hf. Sjá nánari upplýsingar um sjóði Stefnis hf. á heimasíðu félagsins https://www.stefnir.is.