Spurt og svarað

Það þýðir að þú þarft að panta úttekt í appi eða netbanka og færð upphæðina sem þú pantar inn á ráðstöfunarreikning 90 dögum síðar. Ef pöntunin er um helgi eða eftir lokun þá tefst pöntunin sem því nemur. Þú sérð nákvæmlega í appinu þegar þú pantar úttekt hvenær úttektin verður greidd út.

Þú getur tæmt það sem þú átt inni með úttektarpöntun en fram að útgreiðslu safnar upphæðin vöxtum og verðbótum sem eru lagðar inn á reikninginn.

Já, frá og með 1. júlí næstkomandi munu allir verðtryggðir sparnaðarreikningar í eigu einstaklinga verða eins og Vöxtur verðtryggður. Þetta þýðir að ef þú átt verðtryggðan sparnað hjá okkur verður hann laus með 90 daga úttektarfyrirvara en áður voru verðtryggðir reikningar bundnir í 36 mánuði eða lengur. Þann 1. júlí getur þú pantað úttekt með 90 daga fyrirvara í appinu og netbankanum. Þetta á þó ekki við um orlofsreikninga og Framtíðarreikning Arion sem verður áfram bundinn fram að 18 ára aldri.  

Þú getur pantað úttekt tveimur dögum eftir að þú leggur inn nema ef þú leggur inn eftir kl. 21, um helgi eða á frídegi, þá bætast þeir dagar við áður en þú getur pantað úttekt.

Já, greiða þarf fjármagnstekjuskatt af vaxtatekjum og verðbótum. Skatturinn er skuldfærður sjálfkrafa í lok hvers árs.

Verðtrygging tryggir að upphæðin á reikningnum hækkar í samræmi við verðbólgu og þannig heldur sparnaðurinn verðgildi sínu.

Þú gerir það í appinu eða netbankanum með því að millifæra af reikningnum. Þar muntu einnig sjá upplýsingar um úttektarbeiðnina og hvaða dag upphæðin verður millifærð.