Vöxtur 30 dagar er frábrugðinn öðrum sparnaðarreikningum bankans að því leyti að binditími reikningsins byrjar að telja þegar úttektarbeiðni er gerð, en ekki þegar lagt er inn á reikninginn. Úttekt fer þannig fram á 31. degi eftir dagsetningu úttektarbeiðninnar. Beri útgreiðsludag upp á dag sem ekki er bankadagur skal útgreiðsla vera næsti bankadagur þar á eftir. Bankadagur í samningi þessum er virkur dagur þegar bankar eru opnir á Íslandi.

Úttekt er framkvæmd í netbanka eða appi eins og um venjulega millifærslu sé að ræða og er millifærð 31 degi síðar.

Eiginleikar:

• Óverðtryggður innlánsreikningur
• Vextir eru breytilegir og fylgja vaxtatöflu bankans
• Þrepaskiptir vextir eftir fjárhæð
• Vextir eru greiddir út mánaðarlega*
• Engin lágmarksinnistæða er á reikningnum
• Úttektarbeiðnir eru gjaldfrjálsar í netbanka

* Hægt er að fá vextina greidda út á annan reikning en Vöxtur 30, en ef annar ráðstöfunarreikningur er ekki valinn leggjast vextir við höfuðstól reikningsins.