Borgaðu með símanum
Nú geta allir skráð bæði debet- og kreditkort í Arion appinu eða Apple Pay og borgað með símanum eða öðrum snjalltækjum.
Að virkja greiðslukort í símaveski fyrir Android
- Þú opnar Arion appið
- Velur „Meira“ og svo „Símaveski“
- Samþykkir skilmála
- Velur það kort eða þau kort sem þú vilt að sé hægt að greiða með og setur í símaveskið
- Samþykkir að símaveski Arion banka verði sjálfgefin greiðsluleið
- Ákveður hvaða kort á að vera skjálfgefið til að greiða með
Hvernig borga ég með farsíma?*
- Þegar þú kemur að posa aflæsir þú símanum með persónubundnum öryggisþætti (lykilorð, fingrafar eða augnskanni). Ekki þarf að opna Arion appið.
- Þú leggur símann að posanum eins og um snertilaust kort væri að ræða.
*Passaðu að hafa kveikt á NFC í Android símtækinu þínu: Stillingar (Settings), Samband (Connections), NFC og greiðslur (NFC and payment) og velja þar Arion banki.
Hvar get ég borgað með Arion appinu?
Þú getur greitt með Arion appinu í öllum posum sem styðja snertilausar greiðslur innanlands sem og erlendis.
Apple Pay
Apple Pay er einföld og örugg leið til að borga í verslunum í öppum og á netinu. Með Arion appinu getur þú með auðveldum hætti bætt kortunum þínum við í Apple Pay.
Öryggi
Greiðslur með farsíma í gegnum Arion appið sem eru tengdar Visa greiðslukorti uppfylla kröfur Visa International um greiðslur með farsíma.
Þegar Visa kort er virkjað fyrir greiðslur með farsíma verður til sýndarnúmer (tóken) sem er notað í stað kortanúmers þegar greiðsla með farsíma er framkvæmd. Raunverulegt kortanúmer er því aldrei notað sem eykur öryggi. Ekki er hægt að virkja Visa kort nema að síminn sé með virkjaða læsingu. Til að greiða með Visa korti þarftu að aflæsa símanum með því að auðkenna þig með persónubundnum öryggisstillingum.
Mikilvægt er að þú gerir nauðsynlegar varúðarráðstafanir til að tryggja að persónubundnir öryggisþættir sem þú notar til að auðkenna þig við innskráningu í símtækið séu ekki aðgengilegir öðrum þar sem þeir eru einnig notaðir til að staðfesta greiðslu.
Ekki með Arion appið?
Arion appið er opið öllum. Hvort sem þú ert í reglulegum viðskiptum við Arion banka eða ekki getur þú sótt appið, stofnað reikninga, byrjað reglulegan sparnað og sótt um Núlán.
Spurt og svarað
Hvernig virkja ég kort svo hægt sé að greiða með því í símanum?
Hvað er sjálfgefið kort?
Er hægt að greiða með öllum Android símum?
Er alls staðar hægt að greiða með símanum?
Ég er búin/n að virkja kortið mitt en get ekki greitt. Hvað getur verið að?
Hvernig get ég greitt með öðru korti en sjálfgefnu korti?
Hvað er hægt að greiða háa upphæð með símanum?
Þarf ég að opna símann til að greiða með honum?
Get ég greitt með símanum ef ég er búinn að frysta kortið mitt í Arion appinu?
Ef ég tapa símanum hvernig loka ég þá fyrir greiðslur?