Sýnir hvernig heildar lánsfjárhæð er skipt á milli lána. Ef veðhlutfall er lægra en 70% af fasteignamati eða kaupverði er um eitt lán að ræða, annars tvö.

Lánstími nýrra óverðtryggðra lána er 5-40 ár. Lánstími nýrra verðtryggðra lána er 5-40 ár.

Ársvextir eru sú prósentutala sem svarar til þess hlutfalls af höfuðstól sem greiða skal í vexti á einu ári.

Þú hefur val um að taka lán með breytilegum vöxtum eða lán með föstum vöxtum til 3ja.

Jafnar greiðslur: Afborgun og vextir eru alltaf jafnhá allan lánstímann. Í upphafi lánstímans er eignamyndun lítil því þá er hlutfall vaxta meira.

Jafnar afborganir: Afborgun er alltaf jafnhá allan lánstímann og við bætast vextir. Heildargreiðslan er því mest í upphafi en minnkar síðan út lánstímann. Eignamyndunin er jöfn allan lánstímann.

Hámarkslán er 80% veðhlutfall. Lán I í verðtryggðu eða óverðtryggðu láni getur farið í 70% af fasteignamati eða kaupverði / markaðsverði ef það er lægra. Lán II getur farið í mismun á láni I og 80% hlutfall af kaupverði / verðmati.

Það er ekkert uppgreiðslugjald á lánum með breytilegum vöxtum. Greiða þarf uppgreiðslugjald á lánum með föstum vöxtum ef greitt er á því tímabili sem lán er á föstum vöxtum og vextir á sambærilegum lánum með föstum vöxtum, sem bankinn býður á þeim tíma, eru lægri en vextirnir á láninu sem greiða á upp.

Athugaðu að kostnaður sem fellur til í formi opinberra gjalda, s.s. þinglýsingargjald og veðbók, auk gjalda sem bankinn þekkir ekki eru ekki birt hér og ekki tekin með við útreikning á árlegri hlutfallstölu kostnaðar.