Við fyrstu sýn getur frumkvöðlaumhverfið á Íslandi virst flókið. Fyrir þá sem eru á sínum fyrstu skrefum með að koma hugmynd sinni í framkvæmd getur verið erfitt að átta sig á hlutverki ólíkra aðila og við hvern á að ræða vegna mismunandi þátta. Við höfum því tekið saman gróft yfirlit af umhverfinu eins og það blasir við okkur. Frumkvöðlaumhverfið tekur sífelldum breytingum og skal myndin því ekki skoðast sem tæmandi.

Í samanburði við nágrannalönd okkar, er stuðningsumhverfi við frumkvöðla á Íslandi bærilegt. Íslenskt sprota- og frumkvöðlaumhverfi frá sjónarhóli aðgangs að fjármagni er hins vegar að mörgu leyti ekki jafn þroskað og í þeim samfélögum sem við viljum bera okkur saman við.