Starfslok

Stefna um starfslok vegna aldurs

Samkvæmt reglum Arion banka lætur starfsfólk af störfum við 67 ára aldur. Markmið stefnunnar er að starfsfólk upplifi sveigjanleika og hreinskilni við starfslok og því skiptir máli að þau séu rædd tímanlega.

Starfslok – undirbúningur

  • Á því ári sem starfsmaður verður 64 ára, mögulega fyrr ef óskað er eftir því á sér stað samtal á milli stjórnanda og þess sem hugar að starfslokum þar sem farið er yfir starfslokastefnu
  • Starfsfólki stendur til boða þátttaka á námskeiði þar sem farið er yfir þau atriði sem tengjast breytingum á lífi einstaklings við það að ljúka störfum.

Arion banki vill koma til móts við óskir um starfslok, t.d. með breyttu starfshlutfalli eða starfsskyldum síðustu misserin í starfi en taka þarf mið af óskum einstaklings og skipulagseiningar.

Aðdragandi starfsloka

Sveigjanleiki við starfslok er ávallt samkomulagsatriði milli starfsfólks og stjórnanda. Tilgangurinn er að styðja starfsfólk í því breytingarferli sem framundan er, eða frá því að vera í fullu starfi yfir í að vera utan vinnu. Þegar ákvörðun um starfslok vegna aldurs liggur fyrir er tekið mið af réttindum og öðrum þáttum úr kjarasamningum, reglum og viðmiðum bankans. Við starfslok er haldið kveðjukaffi í samráði við viðkomandi.

Eftir starfslok

Starfsfólk sem lætur af störfum vegna aldurs er boðið til kaffisamsætis með fyrrum samstarfsfélögum.