28. júní 2023
Skattfrjáls ráðstöfun - almenna úrræðið hefur verið framlengt
Almenna úrræðið til að nýta viðbótarsparnað skattfrjálst til íbúðakaupa og til að greiða niður íbúðalán hefur verið framlengt til og með 31. desember 2024.
NánarViðbótarlífeyrissparnaður
Lífeyrisauki, viðbótarlífeyrissparnaður Arion er einföld leið til að auka tekjurnar og spara um leið. Hvort sem þú ert að spara til efri áranna eða til að auðvelda þér íbúðakaupin þá er viðbótarlífeyrissparnaður góð leið.
Lífeyrismálin eru
í Arion appinu
Í Arion appinu býðst þér einstök yfirsýn yfir lífeyrissparnaðinn þinn. Ef þú ert ekki með viðbótarlífeyrissparnað hjá Arion banka nú þegar getur þú stofnað hann í Appinu með nokkrum smellum.
Í appinu er hægt að:
- Stofna viðbótarsparnað og byrja að spara
- Flytja annan viðbótarsparnað til Arion banka með einföldum hætti - NÝTT
- Fylgjast með núverandi stöðu og þróun inneignar frá upphafi
- Sjá áætlaða stöðu við starfslok og mánaðarlegar útgreiðslur
- Skoða yfirlit yfir ráðstöfun viðbótarsparnaðar inn á íbúðalán og sjá hvort greiðslur séu virkar
- Þetta og meira til er að finna í Arion appinu
Reiknaðu út þinn sparnað
Hlutfall af launum
Inneign við 70 ára aldur
Reiknivélin sýnir þróun á áætlaðri inneign m.v. uppgefnar forsendur og 3,5% raunávöxtun. Athugið að niðurstaðan er eingöngu sett fram í dæmaskyni.
Þitt framlag
Mótframlag
Ávöxtun
Hvernig virkar viðbótarlífeyrissparnaður
Í viðbótarsparnaði leggur þú 2 eða 4% af launum í fjárfestingarleið að eigin vali. Til viðbótar færð þú 2% launahækkun í formi mótframlags frá launagreiðanda þínum í sparnaðinn.
Launagreiðandi sér um að standa skil á sparnaðinum og þú getur svo t.d. nýtt hann til að fjármagna íbúðarkaup skattfrjálst eða brúa bilið þegar ráðstöfunartekjur lækka við starfslok.
Viðbótarsparnaður erfist jafnframt við andlát og þurfa erfingjar ekki að greiða erfðafjárskatt. Það má því einnig líta á sparnaðinn sem einskonar líftryggingu fyrir erfingja.
Kostir viðbótarsparnaðar
2% launahækkun
Ef þú leggur 2-4% af launum í viðbótarsparnað færðu almennt 2% mótframlag frá launagreiðanda þínum. Ert þú nokkuð að fara á mis við launahækkun?
Skattfrelsi við íbúðakaup
Þú getur auðveldað þér íbúðakaupin með skattfrjálsum viðbótarsparnaði. Hægt er að greiða viðbótarsparnað skattfrjálst inn á íbúðalán og ef þú ert að kaupa fasteign áttu möguleika á að nýta viðbótarsparnaðinn til að auðvelda þér kaupin.
Erfist að fullu
Ef þú fellur frá þá fer inneign þín að fullu til erfingja.
Þægilegur sparnaður
Þú gerir samning, tilkynnir um launagreiðanda og fylgist með í Arion appinu. Launagreiðandi sér um að standa skil á sparnaðinum. Sparnaðurinn er laus við 60 ára aldur.
Úrval fjárfestingarleiða
Þú getur valið á milli mismunandi fjárfestingarleiða sem mæta ólíkum þörfum vegna aldurs og viðhorfs til áhættu.
Skattahagræði
Enginn tekjuskattur er við innborgun heldur við útgreiðslu, enginn fjármagnstekjuskattur af ávöxtun og enginn erfðafjárskattur af inneign við andlát. Sparnaðurinn er ekki aðfararhæfur við gjaldþrot.
Skattfrjálsu úrræðin eru tvö
Það eru tvö úrræði í boði sem gera þér kleift að fjármagna íbúðakaup skattfrjálst. Í báðum úrræðunum er boðið upp á sömu tvær leiðirnar; húsnæðissparnað þ.e. uppsafnaða eingreiðslu iðgjalda frá 1. júlí 2014 vegna þeirra launatímabila sem þú varst ekki íbúðaeigandi og reglulegar greiðslur framtíðariðgjalda inn á lán sem gildir um launatímabil frá því að sótt er um ráðstöfun þar til tímabili úrræðis lýkur.
Úrræði fyrstu íbúðar
Þú getur sótt um úrræði fyrstu íbúðar á skattur.is ef minna en 12 mánuðir eru frá kaupsamningi fyrstu íbúðar. Úrræðið nær yfir tíu ára samfellt tímabil.
Nýtt! Úrræði fyrstu íbúðar gildir líka um þá sem hafa ekki átt íbúð síðastliðin 5 ár. Í úrræði fyrstu íbúðar er hægt að nýta bæði viðbótarsparnað og tilgreinda séreign skattfrjálst.
Almenna úrræðið
Þú getur sótt um almenna úrræðið á leidretting.is ef ekki er um fyrstu íbúðakaup að ræða eða ef meira en tólf mánuðir eru frá kaupsamningi fyrstu íbúðar. Úrræðið nær frá 1. júlí 2014 til 31. desember 2024.
Greinar
15. júní 2023
Sérhæfðar innlendar fjárfestingar Lífeyrisauka
Áhættudreifing er mikilvægur þáttur í uppbyggingu eignasafna, sérstaklega þeirra sem hafa langan fjárfestingartíma, þar sem með henni má halda fram að dregið sé úr sveiflum í ávöxtun. Með hliðsjón af...
Nánar13. júní 2023
Vandfundið jafnvægi hagsmuna í nútíð og framtíð
Arion banki gaf nýverið út Lífeyrisbókina. Þar er að finna grein sem ber heitið Vandfundið jafnvægi hagsmuna í nútíð og framtíð eftir Snædísi Ögn Flosadóttur, forstöðumann í sölu og þjónustu...
Nánar