Mikil eftirspurn var í hlutafjárútboði Play sem lauk klukkan 16.00 í dag, föstudaginn 25. júní 2021.
Í dag kl. 16 lauk hlutafjárútboði á alls 221.906.800 nýjum hlutum í Fly Play hf sem nemur um 4,3 milljörðum króna. Tveir áskriftarmöguleikar voru í boði, áskriftarleið A og áskriftarleið B, sem voru ólíkar er varðaði stærð áskrifta og úthlutun. Áskriftir bárust frá bæði almenningi og fagfjárfestum.
Arctica Finance hafði umsjón með hlutafjárútboðinu og Arion banki var söluaðili ásamt Arctica Finance.
Stjórn Play mun nú yfirfara þær áskriftir sem bárust í útboðinu og taka afstöðu til þeirra. Áætlað er að niðurstaða varðandi úthlutun liggi fyrir eigi síðar en í lok dags 28. júní 2021. Upplýsingar um úthlutun verða aðgengilegar í útboðskerfinu sem hægt verður að nálgast í gegnum vefsíðu Arctica Finance, www.arctica.is/play með því að nota sömu aðgangsauðkenni og notuð voru við skráningu áskrifta í útboðinu.
Gjalddagi og eindagi áskriftarloforða í útboðinu er áætlað að verði mánudaginn 5. júlí 2021 og er áætlað að afhenda áskrifendum hluti í Play eigi síðar en 9. júlí 2021 að undangenginni greiðslu.
Fyrsti viðskiptadagur með hlutabréf í PLAY á Nasdaq First North Iceland er áætlaður 9. júlí
Áætlað er að viðskipti með hlutabréf í Play á Nasdaq First North Iceland hefjist 9. júlí 2021 en tilkynnt verður um fyrsta viðskiptadag með hlutabréfin með minnst eins viðskiptadags fyrirvara.
Birgir Jónsson, forstjóri Fly Play hf.:
„Síðustu dagar hafa verið magnaðir þar sem starfsfólk PLAY hefur rutt hverri hindruninni úr vegi á leið okkar í loftið en þeirri vinnu til grundvallar liggur auðvitað næstum tveggja ára undirbúningur. Hápunktinum er svo náð í þessari viku með glæsilegu jómfrúarflugi PLAY, hlutafjárútboði fyrir skráningu á Nasdaq First North Iceland og gríðarlegum áhuga erlendra sem innlendra fjölmiðla á félaginu vegna þessa. Við vissum að það var spenningur fyrir útboðinu, en við áttum ekki alveg von á svona rosalega góðum móttökum. Það var mjög ánægjulegt að sjá skráningar frá almenningi og ekki síður lífeyrissjóðum í eigu almennings. Í þokkabót fáum við svo afléttingu sóttvarnartakmarkana á miðnætti. Við getum því sennilega leyft okkur smá bjartsýni á framhaldið enda held ég að sjaldan hafi flugfélag verið eins vel undirbúið, eða jafn vel fjármagnað, til að nýta þau tækifæri sem gefast. Við sjáum ekki heldur annað en að áhugi fjárfesta endurspegli þessa bjartsýni sem við finnum fyrir og það sé einhugur hjá þjóðinni gagnvart því að byggja upp ferðaþjónustuna á Íslandi á ný, en við hjá PLAY ætlum okkur að leika risastórt hlutverk þar,“ segir Birgir Jónsson, forstjóri PLAY.
Framtakssjóðurinn Horn IV slhf. hefur fjárfest í Eðalfangi og verður með kaupunum stærsti einstaki hluthafi félagsins. Um er að ræða útgáfu nýs hlutafjár en jafnframt leggja núverandi hluthafar...
LESA NÁNARNýverið fór fram vel heppnuð hlutafjáraukning og skráning Amaroq Minerals á First North vaxtarmarkaðinn á Íslandi. Um var að ræða alþjóðlega hlutafjáraukningu þar sem félagið tryggði sér 30 milljónir...
LESA NÁNARHlutafjárútboð íslenska fjarskiptafyrirtækisins Nova Klúbbsins hf. hefst kl. 10.00 föstudaginn 3. júní og mun standa yfir til klukkan 16.00 föstudaginn 10. júní.
LESA NÁNARNova hefur ákveðið að hefja undirbúning á skráningu hlutabréfa félagsins á Aðalmarkað Nasdaq Iceland. Stefnt er að skráningu á fyrri helmingi þessa árs.
LESA NÁNARFramtakssjóðurinn Horn IV slhf. hefur gengið frá kaupum á hlut í fyrirtækinu S4S ehf. sem rekur verslanirnar Steinar Waage, Kaupfélagið, Ecco, Skechers og Toppskóinn, ásamt AIR verslununum og...
LESA NÁNARCoripharma lauk nýverið 3,5 milljarða króna hlutafjáraukningu til að styðja enn frekar við framtíðarvöxt félagsins með þróun nýrra samheitalyfja og áframhaldandi uppbyggingu söluteymis.
LESA NÁNARFramtakssjóðurinn VEX I og meðfjárfestar gerðu nýverið samkomulag um kaup á allt að helmingshlut í hugbúnaðarfyrirtækinu Annata, en gengið verður endanlega frá kaupunum í byrjun febrúar.
LESA NÁNARMikil eftirspurn var í hlutafjárútboði tölvuleikjafélagsins Solid Clouds sem lauk klukkan 16 í dag, miðvikudaginn 30. júní.
LESA NÁNARSjóðurinn VEX I hefur gengið frá kaupum á nýju hlutafé í hugbúnaðarfyrirtækinu AGR Dynamics sem og kaupum á hlutum Frumtaks og Nýsköpunarsjóðs atvinnulífsins í félaginu.
LESA NÁNARMikil eftirspurn var í hlutafjárútboði Play sem lauk klukkan 16.00 í dag, föstudaginn 25. júní 2021.
LESA NÁNARVið notum vafrakökur til að bæta upplifun þína á vefnum. Lestu um hvernig við notum vafrakökur og hvernig þú getur stjórnað þeim með því að smella á "Stillingar fótspora".