Fyrirtækið Haf vítamín frá Menntaskólanum við Sund var valið fyrirtæki ársins 2022 í Fyrirtækjasmiðju Ungra frumkvöðla - JA Iceland

Fyrirtækið HAF vítamín, sem er í eigu sex nemenda við Menntaskólann við Sund, var valið fyrirtæki ársins 2022 í samkeppni Ungra frumkvöðla, Junior Achievement á Íslandi (JA). Uppskeruhátíðin fór fram í höfuðstöðvum Arion banka föstudaginn 29. apríl, en Arion banki hefur um árabil stutt við unga frumkvöðla í gegnum Junior Achievement á Íslandi.

Fyrirtækið HAF vítamín er í eigu þeirra Sigurðar Einarssonar, Ása Benjamínssonar, Magnúsar Más Gunnlaugssonar, Dags Steins Sveinbjörnssonar, Jóns Jökulls Sigurjónssonar og Rúnars Inga Eysteinssonar. Fyrirtækið mun keppa fyrir hönd Íslands í Evrópukeppni Ungra frumkvöðla sem fram fer í Tallin, Eistlandi dagana 12. – 14. júlí 2022. Um 4.500.000 nemenda hófu keppni í 40 Evrópulöndum og verður eitt lið valið frá hverju landi til að keppa um „Junior Achievement Company of the Year – GEN_E 2022“.

Aðrir vinningshafar:

• Fyrirtæki ársins - 2. Sæti: DOZE – Verslunarskóli Íslands
• Fyrirtæki ársins - 3. Sæti: Pósters – Verslunarskóli Íslands
• Mesta nýsköpunin: Zomnium – Verslunarskóli Íslands
• Besta fjármálalausnin: Strokkur – Fjölbrautaskólinn við Ármúla
• Besti Sjó-Bissnessinn: Lóna – Verslunarskóli Íslands
• Samfélagsleg nýsköpun: Yfir fjallið – Borgarholtsskóli
• Besta hönnunin: Lesspenna - Menntaskólinn við Hamrahlíð
• Besta tæknilausnin: Flutningstorg – Verslunarskóli Íslands
• Umhverfisvænasta lausnin: Rás – Verslunarskóli Íslands
• Besta matvælafyrirtækið: MAKAJ – Fjölbrautaskólinn í Garðabæ
• Besta „deililausnin: Fataport – Verslunarskóli Íslands
• Fallegasti sölubásinn: Esja skart – Verslunarskóli Íslands